((( لطامة العايل وذباحة الحيل)))

أيها الأخوه الكرام يسرني ان أضع بين يديكم هذه الأبيات المتواضعه ,وأرجوا أن تنال

إستحسانكم وشكراً



(( لطامة العايل وذباحة الحيل ) )




بسم الله أبدي وأطلبه في التساهيل=اللي رفع سبـعٍ وسبـعٍ مهدهـا


منجي سفينة نوح ومرسل أبابيـل=على أبرهه وجيوشه اللي حشدها

ومن بعد ذكرالله نبي نبدع القيـل=جزل المعاني حضرت في وعدها

بنات فكري جن مثـل الهماليـل=سحابةٍ ترعـد ويمطـر بردهـا

قم ياسمي العود هات المعاميـل=وأضبط لي الدلـه وزود قندهـا

بن اليمن والهيل كيف الرياجيـل=يجلى عن العين السهيره نكدهـا


وإعرف ترانا من رجالٍ حلاحيل=كم كبد شيخٍ رمح ربعـك لهدهـا

لطامة العايـل وذباحـة الحيـل=ياردي حظ اللي يجي في نصدها

ليامن خيل أقفت والأخرى مقابيل=ليا قامت الهيـلا تعلـى سعدهـا

ومن ضامته دنياه ثم جاءلها دخيل=يأمن سنه وشهرين إيضاً بعدهـا

بينت لك موجز لبعض التفاصيل=والخافي أعظم يافتى الجود وأدها

وصلاة ربي إعداد ماغصنٍ يميل=على رسولٍ نعمـة الله حمدهـا


أبن مسلم

صح السانك

واتشرف ان اكون اول من سبق لقراءة هذه الدرة


‘‘‘اخوك ابن*** عاصم‘‘‘

أبن عاصم


صح بدنك وهذا شرف لي

شكرالك

....
..
رااااائعة من روائعك

صح لسانك يبن مسلم

ودمت للابداع

.

ابن مسلم
صح لسانك وبيض الله وجهك
تقبل تحياتي

خلف مرزوق

صح بدنك وبيض الله وجهك

شكراًلتواصلك الدائم ودعمك اللامحدود

شارب فنجال بوش

صح بدنك وبيض الله وجهك

وإن شاء الله تشرب فنجال بلير هههههههه

شكراًلك من كل قلبي