من قصايد تركي بن حميد

ياراكب اللي مايداني iiالصفيري = هميلع من نقوة الهجن iiسرساح
امه نعامه واضربوها بعيري = جاء مشبهاني على خف iiوجناح
عليه خرج من سلوك iiالحريري = عصاه عود البروقه عقب ما فاح
يسرح من الطائف ويمسي البصيري = سفايفه مثل الغرابين طفاح
مزهبك يا راعيه تمر iiومضيري = واحذر تشب النار يجفل منه iiالضاح
والى ورد يشرب ثمانين بيري = غرافهن تسعين ودليهن iiماح
رجليه بالحره وصدره iiيسيري = ويشرب برأسه من على جمة iiرماح
ياويش هو شئ طويل iiقصيري = يسبق زعاجيل الهوى يوم iiتنماح

سلمت ولا هنت يابن العم على هالقصيده التي يصف بها قبيلة عتيبه

والله يرحم ابن حميد

مع تحيات :- مطلق الشيباني .,.,.,.,.,.,.,.,.,.,.,.,.,.,.,.,.,.,.,.

الله يسلمك.
بس القصيدة توصف بعير ولا توصف قبيله عتيبة؟وضح لوسمحت.

القصيده يابن العم تصف قبيلة عتيبه وهذه الابيات توضح ما اقووول

والى ورد يشـرب ثمانيـن iiبيـري غرافهن تسعيـن ودليهـن iiiiمـاح
رجليه بالحره وصـدره iiiiيسيـري ويشرب برأسه من على جمة iiiiرماح
ياويش هو شئ طويـل iiiiقصيـري يسبق زعاجيل الهوى يوم iiiiتنمـاح

يابن العم اين كانت عتيبه قبل نزولها الى نجد اليست في الحجاز

في الطايف والحره ومكه اليس كذالك

هذه القصيده بعد نزول عتيبه من الحجاز وكان افراد عتيبه

كثيرون وقاموا يزحفون حدر لين العارض . فقال ابن حميد هالقصيده يفتخر

بكثرة قبيلته واتساع حماه اي ( دياره وديار قبيلته ) ..

هاااااااااه يابن العم اتضح الامر لديك .

مع تحيات :- مطلق الشيباني ..........................

جزاك الله خير
إثري كنت حادرٍ وادي.

السلام عليكم
لقد طلب مني احد اعضاء المنتدى عبر البريد وهو العضو (مناوي)
ان اضيف رد الشاعر محمد بن هادي القحطاني على هذه القصيدة


ياتركي بن حميد وش ذا البعيري = ماتجلبونه كان تبغون الارباح
لعاد له خف وجناح يطيري = انا أذكر الله كيف راعيه ما طاح
ياربعنا ياكبر كذب الاميري = وياحلو كذب مروية علط الارماح
كيف النعامه نوخت للبعيري = أقول ذا كذب على الناس فضاح

انا اتوقع انه يوصف بعير لان الرد يدل على كذا ... ولا وش رايكم؟

بيض الله وجهك يابن العم واختيارك موفق وصح لسانك ورحم الله قايلها.

الله يسلمك يا اخوي متعب

شكرا يا قلب عتيبة على مشاركتك الجميلة

والله يرحمـ تركي بن حميد