قصيدة.."ابوهلال".. ورد.. "العطاوي".. ستنال إعجابكم..

بسم الله الرحمن الرحيم

هذه احد قصائد الشاعر/ سعد بن هلال العصيمي والتي أتشرف بنقلها لكم..
والتي يمدح فيها رجل يستحق المدح وهو الشاعر/ بدر بن خضير العطاوي...


راكبلي من حفيزه يوم تله
تله السواق والخط امتساوي
ينحرالي قايما بالمجد كله
ومن نشدني قلت له بدر العطاوي
بانين بيتة ومن جاله يدله
بالوصايف مثل فجحان الفراوي
مجلسه ياعيد ما واحد يمله
يذبح الحايل وعودالطيب جاوي
فعلهم بين ومعتق شاهدله
ما أخذوها بالسوالف والرشاوي
يوم وقفه في طلال امثبتله
يوم تنخاهم على العطفه مضاوي
يوم ضرب الشلف في وادي مزله
كن ضرب الشلف يعطونه هداوي
كل شيخن حاضرن والسيف سله
دون وضحن ربعت عبلة املاوي
والعتيبي فاخرا طيبه ودله
رافعن بيته لضيفه والجلاوي

وعندما سمع الشاعر/ بدر بن خضير العطاوي هذه القصيدة الجزلة...
تحفز برد على " ابو هلال" بقصيدة جميلة..... يقول فيها :

راكبلي من حفيزه مستحله
مثل فرق الجمس عن وارد عراوي
كن ظربه ظرب ندرآ مستهله
إن عطاله مع طمان ومع نزاوي
كان مافي الرجل فعلا شاهدله
مانفع كثر التهدد والعزاوي
المواكر في الجبال اللي مطله
والرهو مساح ظله مايساوي
المراجل ياسعد فيكم جبله
والمراجل ما تهيا بالمناوي
والعتيبي وإن قرب حله لحله
مثل خشم طويق وانجت الحماوي
انشد العراف تخبرك الادله
والعتيبي من مزبنه الجلاوي
يوم ولد اللاش ريقه مايبله
من يشيل الحمل وانجت البلاوي
مانفع كثر المال دقه وجله
وشاهد دار المدينه والعلاوي
العصيمي مورخينه في المجله
بالشجاع وكل قصاد وراوي

صح السنة الشاعرين ومشكور يامجول

مشكور اخوي مجول العصيمي


والله يعطيك العافيه

وصح السنت الشعااار

أخـــواني الـــكرام

ابو بجاد الرويس_عاشق النير
شاكرلكم على المرور الرائع ولا هنتو يا الغالين