انا لي على كعّام عدة مشاريه

انا لي على كعّام عدة مشاريه=لقيت له جره بالشعيب السناوي
ابا اجربعه ذا الليل واحش رجليه=على شان يزحف بالطريق متساوي

المعذره كنا نصلي // حديه اي حد


كعام المعادي اطلبه قول يابيه = على شان وسمه فوق متن المهاوي
وانا اقول جرب سلت السيف حديه = ينوشك وتمسي في طريقك خلاوي

جعلك على القوة


ابا اشرح لك الموضوع واظهر مغازيه=على شأن ما تاخذك بعض الهقاوي

تحلل على كيفك ورايك تزكيه=والا ياعرب هذا الولد ويش ناوي

يقولون نجم الجدي محد(ن) يباريه = مكانه وباق النجم ياربع هاوي
تفضل وكل اللي تجيبه توديه = ولد النظر لضلع والذيب عاوي

يا سلام سلّم .. ;)

طاروق من العيار الثقيل ..

ومن على كرسي الشعّار متابع ...

على القووووووووة ...

فيصل

علامك تهرب من سوالي وطاريه=وانا انشدك عن قصة مترجم وراوي

ولكن بعض الهرج حذرا تضويه=تثير الكوامن وانت عنها غناوي

طيب طيب



نحفظ الكتاب وفرض ربي نصليه = ونبعدك ثم ترجع تهل الشكاوي
وانا من خلقت اللى يناحر نكويه = وانا ويش اسوي دام مثلك مداوي

مرحبا والله الف

يافيصل الثبيتي

ارحب ارحب

محلك فخر

صح لسانك يالتحدي وصح لسانك ياكعام المعادي سجلوني من جمهوركم

خوي السعد

مرحبا يامرحبا

اسم على مسمى

صح بدنك نتشرف بحظورك

عفوا على التأخير بس كنت في الصلاة

ولا يامغثرب جمة البير هو ليه=هدفنا سماء وانته قريب الحراوي

نبا نغلق الرحلة.. وذا الحجز نلغيه=ونجعف شدادك يابعير الشواوي

:)


اهب الوليد اللي بعيده حراويه = يخلط المليله مع حلاو الصداوووي
خليف ابن دواسي كثيره دواديه = سحاب(ن) بفصل الصيف عنا جلاوي

فيصل الثبيتي صح بدنك وشكرا على المرور

خوي السعد صح بدنك ومشكور على المرور

كعام المعادي استأذنك عندي رجال شرواك ولا اقدر اكمل

براحتك بتكمل ماتكمل // الدعوى سهود ومهود

المهلي مايولي وصح اللسانك نبدي باللي في خاطرك

واتمها .. وسامحنى على القصوووووووور

ولو ان مابه شي لاكن ؟؟؟؟

براحتك بتكمل ماتكمل // الدعوى سهود ومهود

المهلي مايولي وصح اللسانك نبدي باللي في خاطرك

واتمها .. وسامحنى على القصوووووووور

ولو ان مابه شي لاكن ؟؟؟؟

مــــــــــــــــــزح اخـــــــــــوان يالغالــــــــــــــي