شعار عتيبة اقبلوا مني هالبيتين
رفيع المنزل05-Sep-2007, 04:12 AM
شعار عتيبة اقبلوا مني هالبيتين
بعد ماجيتكم ياعتيبة الهيلا سلام اسلام = اخصه للرجال اللي توقف في مواقفها
وانا والله عتيبة قدرهم عندي بدون ارقام = ولكن شفت لي حاجة تصدق قول شايفها
خالد المقاطي05-Sep-2007, 04:25 AM
نيابه عن هل الطاله يرده هاجسً مقدام = هلا بك يامسلم والذيابه في مشارفها
عتيبه رقمها الاول ولافارس بها ينضام = تهرج مار خل الدرب الايسر لاتخالفها
رفيع المنزل05-Sep-2007, 05:20 AM
انا حظي من العتبان رجال ٍ يسمى كعام = ياعلك للبقا ياكعام ثقلها وخففها
توقعتك تقول العلم هذا مار ماتنلام = ربوعك تحسب ان الخلق في قبضة تصرفها
خالد المقاطي05-Sep-2007, 05:41 AM
الا ياكثر مايرما قدم صاحبك كم حزام = خيولً جيت اسابقها ومراتً نشعفها
اخذناها بعلط الرمح .. ثم عقلت علاها خطام = وانا مدري عن العالم تشيل الغبن بجففها
رفيع المنزل05-Sep-2007, 05:58 AM
الا ياكثر ماتخسر وربحك طهبلة واعلام = لقيتك لابس ٍ لك بدلة ٍ مانته مقيفها
هل النوماس نعرفهم مع العالم بشرق وشام = وبعض الناس بس الطيبه عنده يوقفها
خالد المقاطي05-Sep-2007, 06:09 AM
يدل النقص .. فسمك وانت والله للصقور يدام = الا ياعين ولات(س) الرمد والسم مقرفها
هل النوماس والطاله يرونك اقزم الاقزام = على هونك على روحك ترى نزعل ونقصفها
رجا بن فهيد الهاجري05-Sep-2007, 06:13 AM
الله الله
متابع
واصلو يا كرام اللحا
رفيع المنزل05-Sep-2007, 06:34 AM
عليك النقد باسمك ياعميل ٍ عايش ٍ باحلام = اثر نفسك من ادنى دون بانت لي سوالفها
ضحكت من الكلام اللي تقوله والحشام حشام = ولكن قالوا الشرهه على من كان عارفها
ولد نجم05-Sep-2007, 06:40 AM
صح السااان الشعاااار
كعام ازهل الصف
والليل الليل
خالد المقاطي05-Sep-2007, 06:44 AM
انا اسمي اسم لمسمى كعامً لك يابو عزام :) = ولانعطيك لصاجه رويس الظبي عايفها
وحمد الله مع شكره وهو الخالق الدوام = اثر بعض العرب في جعبته حاجات ينصفها
خالد المقاطي05-Sep-2007, 06:46 AM
التداول برو
اشكرك كل الشكر على المرور
العطر
...........
ولد نجم ارحب تراحيب
المطر يالذيب
والصف يزهابكــ يالقرم
رفيع المنزل05-Sep-2007, 09:05 PM
ترى الضرغام بفعوله ماهو باسمه غدى ضرغام= ولكن دمعة عيونك على الخدين كفكفها
عجزت افهم الغاوي واقول انته قليل افهام = والا يامطيب عتيبه لو تربط ملقفها
خالد المقاطي06-Sep-2007, 07:12 AM
عجزت تفهم عاد مره وحده :) طيب طيب استلم
ترى كل العرب تدري وش .. اللي جاري( لصدام) = لو (الصحاف) يهرج ياعرب والله مايخلفها
اهب اللي يعرف البوصله ويقلب الالقام = واطيبه مار لو يهرج وخلق الله يوالفها
سلطـان الدلبــــــحي07-Sep-2007, 04:18 PM
كعــــــإّم
اشهــد انك مدرســـهّ .. < يومي بشمـــــــــــاغه في وسط صف كعام ..
.. ولآ يهوّن رفيع المنـــــــــــزلّ .. :d
...
غازي غالب07-Sep-2007, 04:29 PM
اهـب اللـي يعـرف البوصلـه ويقلـب الالقـام
واطيبه مـار لـو يهـرج وخلـق الله يوالفهـا
اهـب اللـي يعـرف البوصلـه ويقلـب الالقـام
واطيبه مـار لـو يهـرج وخلـق الله يوالفهـا
ياسلام ياسلام ,,
الارقام مشكله في بعض الاحيان
صح لسانك ملايين ياكعام ,,
وبيض الله وجهك ,,
وصح لسانك يارفيع المنزل
ولاهنتوا جميعا
علي الحبابي07-Sep-2007, 04:32 PM
ياسلام علي المحاوره الرائعه
خالد المقاطي07-Sep-2007, 04:39 PM
سلطان الدلبحي
الله يسعدلي مروركــ عاد مدرسه مره وحد :)
لا والله دوبي اتعلم لاكن من ذائقتكــ الطيبه
.......
قبلان الدعجاني
ارحب يابناخي
اي والله الارقام مشكله :)
لاهنت يابناخي على المرور المشرف
...........
الحبابي ارحب تراحيب المطر
اسفرت وانورت
