سلام يالثعلي عريب الجدودي،،،ممن واحد يفرح ليا حل طاريك
ذياب المرشدي29-Oct-2003, 12:52 AM
سلام يالثعلي عريب الجدودي=من واحد يفرح ليا حل طاريك
سهران والعالم تراهم رقودي=ابغاك تخبرني وش اللي مسريك
اخوي طلال مساك الله بالخير
واقبل تحية اخوك
ولاوصيك ترا المعني في بطن الفهيم شرواك
طلال الثعلي29-Oct-2003, 01:08 AM
هلا ياذياب
الله يمسيك با الخير والرضا
يامرحبابك ياسليل الفهودي=ماتغلي الا من يعزك ويغليك
اسهر ولكن ماتعدا حدودي=مير انت قلي من هو اللي معنيك
ذياب المرشدي29-Oct-2003, 01:20 AM
ههههههههههههه
طلال تحياتي
انا ا شهد الحر يرقا سنودي= ويطري عليه يوم بالوصف احليك
وانا اعبد الرحمن خير معبودي= ومما عطاني اطلبه جعل يعطيك
وان كان ودك تسري ترا ماعندي مانع ونكمل الاسبوع القادم حنا خوان مافيه احراج
طلال الثعلي29-Oct-2003, 01:32 AM
لك الشكر
عساك دايم ياصقر فالوجودي** ازهمك بكحيلان لجيت اناديك
دعواك هذي ماعليها شهودي** ارسل ولد عمك لجده يزكيك
اخذ راحتك ماني بلاقي اطيب منك
ذياب المرشدي29-Oct-2003, 01:41 AM
ماعليك زود
والله يطول لنا بعمرك
وانا والله اني ادري اني فالمحاوره
ماني بزند البواردي
والآن اوضح لك اكثر
واستلم لاهنت .............
اسعد يقولون اسم رجلن سعودي=العلم هذا قد سمعته باذانيك
اجل تعين في عداد الجنودي=لو ينقصون اثنين والله لاوريك
هههههههه
تراها بعيد يالغالي وانا خابرك ماهيب فايتن عليك لكن علشان الكلمه الاخيره
طلال الثعلي29-Oct-2003, 02:06 AM
استلم الله يعطيك العافيه
اسعد منول صاحبا للعمودي=واليوم شربكها وراحت شرابيك
من فعلته زامت علينا اليهودي= مار اطلب الله فالقسا لايخليك
ذياب المرشدي29-Oct-2003, 02:18 AM
اسلم عز الله انك جبتها
البرق شفته ولخطر فالرعودي=ورفيقهم ينحاش لو يذن الديك
لا والله الا روحوا بالنقودي=اثنين والثالث سمعته يناديك
الليل ياولد عمي مالها الارجالها
سلطان العضياني29-Oct-2003, 02:19 AM
احححححححححححححححححححححححححححححححححححححح
ذياب المرشدي29-Oct-2003, 02:25 AM
هلالا والله بسلطان
يالله حييه
منير الذيابي29-Oct-2003, 02:29 AM
اسلموووووووووو
وواصلو واصلو
الله يعطيكم العافيه
لي خمس سنين ماسمعت مثل هالمحاورات الطيبه
ابن فرحان29-Oct-2003, 02:33 AM
مساكم الله بالخير ياالربع ...
انا توني دخلت ولقيت ها المحاورة الممتعه ..
الله يعطيكم العافية
ذياب المرشدي29-Oct-2003, 02:37 AM
منير اررررحب
والله يعافيك
يالله حييه
ذياب المرشدي29-Oct-2003, 02:39 AM
هلا والله بابن فرحان
اسعدنا اطلاعك
والله يحييك
طلال الثعلي29-Oct-2003, 02:43 AM
لابارك الله في عظام الشرودي=اللي ليا جت حزته ماينشميك
اثنين مافيهم يارجال فودي=قصرا عن اللي جاينا من تواليك
واعذرنا على التاخير
طلال الثعلي29-Oct-2003, 02:50 AM
سلطان العظياني
منير الذيابي
مشكورين على المرور
وكل عام وانتم بخير
ذياب المرشدي29-Oct-2003, 02:52 AM
اسلم والله لايهينك
وماعليه التأخير مايهم
ولنا لقاء أخر ان شاء الله
وبطاروق اخر
فالايام القادمه وتقبل
تحيه واحترام
اخوك ذياب المرشدي
طلال الثعلي29-Oct-2003, 03:05 AM
ابن فرحان
مشكور على مرورك والله يعطيك العافيه
ذياب المرشدي
ومن قال يسلم والله يعطيك العافيه
ولنا لقاء ان شاء الله
...........................
اخوكم: طلال الثعلي
أبوسلطان02-Nov-2003, 10:42 AM
بيض الله وجيه الشعار
وبيض الله وجيه الحضور
وهذي المحاورة الزينة ولا بلاش
ذياب المرشدي02-Nov-2003, 02:17 PM
اخوي ابو سلطان
وانت فبيض الله وجهك يالشهم
وابشر بالخير ان شاء الله
اسعدنا اطلاعك
طلال الثعلي02-Nov-2003, 10:08 PM
ابو سلطان مشكور
على مرورك
ولك تحياتي....
وصل العطياني؟؟؟03-Nov-2003, 11:33 PM
ما شاء الله
محاورة راااااائعة جدا جداً....
وين فاتتني ؟؟؟!!!!!!!
الله يعطيكم العافية .....
ولا تحرمونا من محاورات ثانية...
تحيااااااتي وكل عام وأنتم بخير
ذياب المرشدي04-Nov-2003, 01:12 AM
هلا اخوي وصل
جزيل شكري وتقديري لك على اطلاعك
وتعليقك
وتقبل مني التحيه والاحترام
طلال الثعلي04-Nov-2003, 01:40 AM
وصل العطياني
مشكور على مرورك
وتسلم ياغالي..
تحياتي.....
كريم سبلا09-Nov-2003, 11:13 PM
بيض الله وجيهكم ياعيال العود وعساكم علي القوه
ذياب المرشدي02-Dec-2003, 08:25 PM
كريم سبلا الله يعطيك العافيه
ويبارك فيك على الثناء الطيب
