الجبرتي والمسعودي (نادره واعتقد اغلبكم ماسمعها ))

محاورة محمد الجبرتي يمثل بدوي والمسعودي يمثل حضري



الجبرتي




سـلام رده مـن رجـال البـدو والبيـت الشعـر =لاهـل البيـوت الـلـي عليـهـا مقفـلـه بيبانـهـا
نشرب حليب ام الحليب اللي تفلى في الشجر =ماهو حليـب اطفـال ماتـدرون عـن حيوانهـا


المسعودي


يامرحبـا وبيوتنـا يابـدو بسمنـت وحجـر=ومثبـتـه مــع بابـهـا يأتونـهـا ضيفـانـهـا
ياراع شاة البدو لوتطعم لبن شـاة البحـر= اللي على الماعون صورة قرنها ووذانها


الجبرتي



حنا ليا جانا المطر نمشي ونرعى فالدير =وانتـم ليـا مطـرت ديركـم قفلـت دكانـهـا
وضيوفنا يالبدو لو يلفون في الليل الغدر =مـن حيـث مادقـو بحلـه قبسـت نيرانـهـا



المسعودي


حنـا ليـا جـا الليـل نورنـا كمـا نـور القمـر=وانتم ليا جا الليل ظلما ماتشـوف اعيانهـا
اشوف لي مختلفة الالوان من بدو وحضر=واللـي يديهـا ماتنوشـه تلحـسـه بلسانـهـا



الجبرتي



الكهربـا ماشـي كماهـا ميـر مكتوبـه خطـر=واليا انطفت ماتدري الجيران عن جيرانها
حنا نعز الضيف مانقريه من حيـد الخضـر=نقريـه باللـي فالصحـن متثنيـه عصبانـهـا


المسعودي




حنا هل البندر كمـا العنبـر المتلـول السفـر=مجلـوبـة التـجـار وافــي مسكـهـا ولبانـهـا
ياماشرينا مـن حـلال البـدو غاليـت المهـر=وامسيت تاكل من شحمها بعد اخت اثمانها



الجبرتي


رياحكم عنبر وحنا ريحنا المـاس الحمـر=اليا وقـف ظـل السلوقيـه تحـت كرعانهـا
واسفارنا يابدو ناخذها على وسق الشفر=ماناخـده بالكيـل واللـي قـد وزن ميرانهـا


المسعودي




في كـل ديـره حقهـا مـن خيـر والا مـن قشـر=وان جاتـنـا منـكـم رعـيـه عـنـدنـا رعيـانـهـا
وان سقت سياره شكت منها الحجاره والحفر=مـن قـل عرفـك كـل ماخربـت قعـدت اوزانهـا

شكرا ياغالي
على النقل

محاوره في قمه الروعه..

رحم الله شعرائها ..

شكرا لك يالغالي..

محاوره رائعه
تسلم على نقلها

ياوجه الله ياوجه الله الله لايحطني قدام واحد منهم في محاورة

ومشكور على المحاورة النادرة والغالي مايجيب الا الغاالي

محاورة جميلة..

مشكوور اخوي عمر..

..
.
اختياااااارموفق الله يبيض وجهك ..
..ومحاوره غير من بين عمالقه لن ينساهم التاريخ
...