هذا الزّمن ما هو على ماأنت خابـر::::::الشّاه صارت ذيـب والسبـع ناقـه

يا راعي الرجفه وهمس المشاعـر=سلام مـن قلـبٍ يزيـد إحتراقـه
عزّ الله إنك شاعرٍ وإبـن شاعـر=وتستاهل أهدي لك من الورد باقـه
جلست أقلّب فـي الكتـب والدفاتـر=وأتذكّـر الماضـي وذيـك العراقـه
هذا الزّمن ما هو على ماأنت خابـر=الشّاه صارت ذيـب والسبـع ناقـه
كم مرةٍ وأنـا مـع السـوق عابـر=أقابـل أهـل الخكرنـه والرشاقـه
ما جربوا رعـي الغنـم والأباعـر=والمرّ ما يدرون وشّ هـو مذاقـه
الجنـز ضيّـق والبلايـز حرايـر=والخد ناعـم والولـد بـه رقاقـه
وقَصّ الشعر قَصّة يهـودي وكافـر=وحَطّ الأساور فـي يدينـه وساقـه
وأخته مع السواق وإبليس شاطـر=وإذا نصحتـه قـال مالـك علاقـه
وإذا جلس بيـن الرجاجيـل فاغـر=حـرام فيـه المحفظـه والبطـاقـه
والمشكله ينجح ولـه رقـم شاغـر=يسهّلون أمـره وتمشـي أوراقـه
وإبن الشيوخ أصبح على الذّل صابر=صكّوا عليـه وزوّدوا فـي خناقـه
يعمـل بدكـان الذهـب والجواهـر=والا علـى التكسـي يـدوّر رفاقـه
والا معقّـب فـي جميـع الدوايـر=والأهل جوعى والمعيشـه شفاقـه
والا سكورتي يقضي الليـل ساهـر=وزو جته مـا تهتنـي فـي عناقـه

شعر / محمد بن راشد السندي الغنامي

قصيده جزله ومعبره في حال الشباب اليوم


بيض الله وجهك يابن غنام على الجهد الذي تبذله

والمشكله ينجح ولـه رقـم شاغـر يسهّلون أمـره وتمشـي أوراقـه


صح لسانه بيت معبر بلاشك

تسلم على النقل ولاهنت

- فكرة جميله .